Salva Abitasaun Públika – Hatene Ita-nia Direitu sira (Tetum)
Salva Abitasaun Públika – Hatene Ita-nia Direitu sira
Governu Labor (Traballista) iha Victoria iha planu hodi sobu abitasaun públika no fó rai ne’e ba konstrutór privadu sira. Governu la garante katak edifísiu foun sira sei kontein abitasaun públika ruma. Tuir planu ne’ebé eziste daudaun, abitasaun sei prinsipalmente kompostu husi abitasaun privada ho abitasaun komunitária balu.
Abitasaun komunitária:
1) Karun liu duké abitasaun públika, to’o 30% husi rendimentu uma-kain
2) Foti kualkér Asisténsia Alugér husi Commonwealth ne’ebé Ita simu, no
3) Normalmente iha arrendamentu sira ho durasaun tempu badak liu.
Maski abitasaun komunitária importante, tuir loloos ida-ne’e la bele troka abitasaun públika.
Rezidente barak iha abitasaun públika hatete sira preokupadu katak sira sei forsadu hodi muda sai husi sira-nia komunidade, eskola no servisu sira, no sei la iha direitu garantidu hodi hela fali iha edifísiu foun sira.
Ita iha direitu sira, no Ita tenke simu informasaun hotu-hotu ne’ebé Ita presiza molok foti desizaun. Ita-nia direitu sira hanesan tuir mai:
1) Ita la presiza asina buat ruma kuandu Ita la iha serteza.
2) Ita la presiza asina buat ruma se Ita hakarak hela nafatin iha abitasaun públika, ka se Ita hetan oferta atu hela iha abitasaun ne’ebé ki’ik demais ba Ita-nia família, la iha asesu ka dook husi Ita-nia komunidade.
3) Ita bele hetan advogadu ne’ebé akompaña Ita iha kualkér enkontru ho Homes Victoria.
4) Ita la presiza foti desizaun iha enkontru ho Homes Victoria no Ita bele lori formuláriu ruma ho Ita hodi konsidera ka hetan akonsellamentu jurídiku.
5) Se Ita presiza durubasa, Ita bele husu ida, no Homes Victoria tenke fornese durubasa ida iha kada enkontru.
6) Ita bele lori ema ida ne’ebé fó apoiu hodi akompaña Ita iha kualkér enkontru ho Homes Victoria, hanesan membru família, kolega, advogadu ka traballadór ne’ebé fó apoiu.
Rezidente barak hatete sira sente iha presaun hodi simu oferta atu hela iha uma ida husi Homes Victoria. Se Ita sente iha presaun, ameasa ka asédiu, Ita bele hato’o keixa ba Ita-nia Membru Parlamentu iha Ita-nia área, Ita-nia advogadu ka Provedór Justisa.
Partidu polítiku hanaran ‘The Greens’ hakarak governu mantein no hadi’ak abitasaun públika ne’ebé eziste no harii abitasaun públika ne’ebé foun barak liután ho nune’e ema hotu-hotu bele hetan hela-fatin ne’ebé seguru no la karun.
Ami apoia rezidente hotu-hotu iha abitasaun públika, inklui sira ne’ebé hakarak hela nafatin iha sira-nia uma no mantein sira-nia komunidade sira hamutuk nafatin. Se Ita hakarak hela nafatin iha Ita-nia uma, ami sei apoia Ita. Se númeru ema ne’ebé serbisu hamutuk mak sufisiente, no lakohi atu muda sai, Ita bele salva abitasaun públika no fó presaun ba governu hodi harii abitasaun barak liután, envezde fó rai públiku ba konstrutór privadu sira.
Hodi serbisu hamutuk ho Ita-nia komunidade no salva ita-nia uma sira, haruka mensajen telefone ho Ita-nia naran, enderesu no lia-menon “I want to stay” (ha’u hakarak hela nafatin iha ha’u-nia uma) ba 0491 618 592.
Vídeo ne’e la’ós akonsellamentu jurídiku. Hodi hetan akonsellamentu jurídiku ne’ebé gratuitu, telefona Ita-nia sentru legál komunidade nian ne’ebé besik liu hotu.
Hodi hetan akonsellamentu jurídiku ne’ebé gratuitu:
Inner Melbourne Community Legal (Sentru Legál Komunidade nian iha Melbourne Interiór): 03 9419 3744
Fitzroy Legal (Sentru Legál iha Fitzroy): 03 9328 1885
Southside Justice Connect (Sentru Servisu Justisa iha Parte Súl) nia númeru telefone: 03 7037 3200
Hodi hato’o keixa ba Provedór Justisa iha Victoria: 1800 806 314